Տղամարդկանց
շրջանում անցկացված հարցման արդյունքում պարզվել է, թե ինչի վրա են նրանք
առավել ուշադրություն դարձնում առաջին ժամադրության կամ պարզապես հանդիպման
ընթացքում:
Առաջին
տպավորություն թողնելու համար երկրորդ շանս չեք ունենա, ուստի անիմաստ է
հույսը ներքին գեղեցկության կամ խելքի վրա դնելը: Առաջինը նրանք
ուշադրություն են դարձնում արտաքինին, և դա ոչ մեկի համար գաղտնիք չէ: Եվ
այսպես, ցուցակն ունի հետևյալ տեսքը.
- Կուրծք (առանց մեկնաբանության)
- Կառուցվածքի համամասնություններ (հենց
համամասնությունները և ոչ թե պարամետրերը, այսինքն` կարևոր է,
որպեսզի կառուցվածքը համաչափ լինի):
- Դեմք (տղամարդիկ չեն սիրում, երբ կինը
չափազանց շատ շպար է օգտագործում: Հետաքրքրական է, որ տղամարդիկ
սուպեր-գեղեցկություն չեն փնտրում: Բավական է խնամված և ժպտերես լինել,
նրանք դա անպայման կնկատեն):
Տղամարդիկ
չեն նկատի նոր մատնահարդարումը, մանիկյուրի գույնի փոփոխությունը,
եղունգների ձևի փոփոխությունը, նորաձև վարսահարդարումը և նմանատիպ բաներ:
Սակայն կնկատեն չափազանց երկար եղունգները, չխնամված ձեռքերը, թռած մանիկյուրը, կեղտոտ մազերը:
Արտաքինից
զատ նրանք ուշադրություն են դարձնում այլ բաների: Առաջին հերթին դա
շփվելու ունակությունն է: Տղամարդիկ խելամիտ աղջիկների են նախընտրում, ում
հետ կարելի է շփվել, պարզապես զրուցել:
Անհրաժեշտ է նաև…
- Հումորի զգացումը
- Շփման մեջ հասարակ լինելը
- Զրույցը հետաքրքիր դարձնելու կարողությունը
- Քաղաքավարի լինելը
- Կիրթ խոսքը
 Պարտադիր չէ կարողանալ երգել, պարել, գործել, սպորտով զբաղվել, սակայն պետք է սեփական կյանքն ունենալ իր հետաքրքրություններով, հոբբիներով, սիրելի զբաղմունքներով:
Կարևոր է
նաև կարդացած և զարգացած լինելը: Աղջիկը պետք է խելացի լինի, սակայն հարկ
եղած դեպքում թույլ տա տղամարդուն իրեն ավելի խելացի ու բանիմաց զգալ:
Տղամարդիկ խենթանում են, երբ իրենց խնդրում են ինչ-որ բան սովորեցնել: Պետք
է օգտվել նրանց այս թուլությունից:
Տղամարդիկ չեն սիրում, երբ աղջիկներն այնպես են խոսում, ասես ցիտում են օդնոկլասսնիկի հերթական ստատուսը:
Տղամարդիկ
սիրում են նորաձև ու ոճային կանանց, սակայն ատում են, երբ կինը սկսում է
խոսել շոփինգից: Նրանց չի հետաքրքրում ընթացքը, նրանք ցանկանում են տեսնել
հաջողված արդյունքը:
Տղամարդիկ
չեն սիրում, երբ իրենց գնահատում են ըստ իրենց ունեցվածքի, մեքենայի,
աշխատանքի: Իհարկե դա անխուսափելի է, սակայն պետք չէ բարձրաձայնել դրա
մասին: Տղամարդիկ սիրում են, երբ կինը կարողանում է ապահովել իրեն:
Կինը
պետք է լինի բարի, քնքուշ, բարեհոգի, առատաձեռն, անկեղծ… Դե պարզ է, առանց
մեկնաբանությունների: Բռի արջերի հետ կյանք չեն կապում…
Իսկ
ամենավերջում ցանկանում եմ հիշեցնել սիրելի աղջիկներին, որ ոչ թե մեզ են
ընտրում, այլ մենք ենք ընտրում… Եղեք ինքնավստահ ու երջանիկ:
|
